Sot, Komisioneri Shtetëror i Zgjedhjeve regjistroi si subjekte zgjedhore për zgjedhjet për Kuvend të datës 11 maj 2025, partitë politike:

1. “Partia Unitetit Kombëtar”;
2. “Partia Bashkimi për të Drejtat e Njeriut”;
3. Partia “Aleanca e Maqedonasve për Integrimin Europian”;
4. Partia Lëvizja “Atdheu”;
5. Partia “Lidhja Demokristiane Shqiptare”;
6. Partia “Drejtësia Shoqërore”;
7. “Partia Agrare Ambjentaliste e Shqipërisë”;
8. “Partia për Mbrojtjen e të Drejtave të Punëtorëve të Shqipërisë”;
9. “Partia Ora e Shqipërisë”;
10. “Partia Emigracioni Shqiptar”;
11. “Partia Komuniste e Shqipërisë”;
12. Partia “Bashkimi Liberal Demokrat”;
13. “Partia për Mbrojtjen e të Drejtave të Emigrantëve”;
14. Partia “Drejtësi  Integrim dhe Unitet”;
15. “Partia Republikane Shqiptare”;
16. “Partia Lëvizja Demokratike Për Ndryshim”;
17. “Partia Socialdemokrate”;
18. Partia “Fryma e Re Demokratike”;
19. Partia “Lëvizja për Zhvillim Kombëtar”;
20. Partia “Personat me Aftësi të Kufizuar”;
21. Partia “Aleanca Kombëtare Shqiptare”;
22. Partia “Lidhja për të Drejtat e Punëtorëve Shqiptarë”;
23. Partia “Fronti i Majtë”;
24. Partia “Rruga e Vërtetë Shqiptare”.

Për partinë Partia “Minoriteti Etnik Grek për të Ardhmen”, KSHZ vendosi shtyrjen e shqyrtimit të kërkesës.

Gjithashtu, u plotësuan vakancat e krijuara në këshillat e Bashkisë Lezhë, Bashkisë Krujë dhe Bashkisë Pogradec.

Në seancën e sotme u vlerësua raporti mbi veprimtaritë publike për periudhën 16 shkurt – 22 shkurt 2025.

Komisioneri vendosi miratimin e raportit dhe fillimin e hetimit administrative për Bashkinë Tiranë dhe Bashkinë Elbsan.

Gjithashtu, u shqyrtuan raportet e monitoruesve të fushatës zgjedhore për periudhën e monitorimit 16 deri më 22 shkurt 2025. Nga shqyrtimi dhe vlerësimi i raporteve nuk janë konstatuar shkelje nga monitoruesit e fushatës zgjedhore.

Sot u shqyrtua administrativisht denoncimi nr. 7, datë 10.02.2025, depozituar nga Partia Demokratike, për të cilin vijon hetimi administrativ.

Në seancën e radhës do të shpallet vendimmarrja për denoncimin nr. 12, datë 12.02.2025, depozituar nga Institutit të Studimeve Politike.

U shty shqyrtimi me kërkesë të palës së interesuar për denoncimin nr. 8, datë 10.02.2025 depozituar nga Partia Demokratike.

Në përfundim të shqyrtimit administrativ të denoncimeve nr. 13, datë 12.02.2025 dhe nr. 17, datë 17.02.2025 depozituar nga Koalicionit për Reforma, Integrim dhe Institucione të Konsoliduara/KRIIK, Komisioneri vendosi pushimin e hetimit administrativ ndaj:

1. Drejtorit të Përgjithshëm të Agjencisë për Media dhe Informim
2. Kryetarit të Akademisë së Shkencave të Shqipërisë;
3. Drejtorit të Departamentit të Administratës Publike;
4. Drejtorit të Inspektoriatit Shtetëror Shëndetësor;
5. Drejtorit të Institutit të Shëndetit Publik;
6. Drejtorit të Operatorit të shërbimit të Kujdesit Shëndetësor;
7. Drejtorit të Qendrës Kombëtare terapeutike dhe rehabilituese për Fëmijët.