Sot, Komisioneri Shtetëror i Zgjedhjeve Ilirjan Celibashi me përfaqësuesit e medias bisedoi mbi procesin e votimit nga jashtë të shqiptarëve që jetojnë jashtë territorit të Republikës së Shqipërisë.
Informacionet e përcjella:
Regjistrimi i votuesve nga jashtë
- Statistikat nga shërbimi i suporti (telefon/chatbot/email):
- 6914 shtetas të kontaktuar me email,
- 2088 telefonata të rezervuara,
- 839 total chatbot msg
- 540 total chatbot user msg
- 294,155 numri i shtetasve që kanë dërguar kërkesë në PER
- 245,975 numri i zgjedhësve të cilëve u është miratuar kërkesa
- Tirana, qarku me % më të lartë të kërkesave të miratuar – 21.3 % ose 52,425 shtetas
- Kukësi, qarku me % më të ulët të kërkesave të miratuara –6 % ose 3,970 shtetas
- afërsisht 28 orë koha mesatare nga momenti i mbërritjes së kërkesës deri në miratim/refuzim -1685 minuta
- 16,302, numri më i lartë i kërkesave në ditë (data 2 Mars 2025)
- 6900, numri mesatar i kërkesave në ditë
- 6618, numri mesatar i shqyrtimeve në ditë
- Gjermania, shtetasi A.B, zgjedhësi i parë që ka dërguar kërkesë në PER në datën 11 Janar ora 00.08
- Shtetasi B.H., zgjedhësi me moshën më të madhe i regjistruar në PER – 98 vjeç, datëlindja 1927
- 25 herë, numri më i lartë i kërkesave të derguara nga i njëjti shtetas
- 339 893, numri i profileve të krijuara në PER
- 100%, disponueshmëria e sistemit përgjatë periudhës së regjistrimit
- 5 % e shtetasve kanë zgjedhur të përdorin mobile ëeb
- 5 % e shtetasve kanë zgjedhur të përdorin desktop ëeb
- 49 % e shtetasve kanë zgjedhur të përdorin mobile app
Komisioneri Celibashi theksoi se në periudhën 9 Mars – 12 Mars vetëm zgjedhësit e registruar kanë të drejtë të kërkojnë të bëjnë ndryshime në lidhje me adresën dhe asgjë më shumë. Të dhënat e tjera janë të saktë sepsë janë të kryqëzuara më të dhënat e Gjendjes Civile, ndërkohë adresa për arsye të ndryshme mund të ketë nevojë për saktësim nga ana e zgjedhësve.
Të gjithë shtetasve që jetojnë jashtë territorit të Republikës së Shqipërisë dhe që i’u është refuzuar kërkesa për tu regjistruar si zgjedhës nga jashtë, kanë të drejtën të ankimohen në Gjykatën e Rrethit Gjyqësor Tiranë, jo më vonë se data 11 Prill 2025, nëpërmjet një platforme online që besoj që KLGJ e ka ngritur këtë platformë.
Subjektet zgjedhore
- 53 Parti politike të regjistruara si subjekt zgjedhor:
- 3 koalicione
- Koalicioni PD-Aleanca për Shqipërinë Madhështore, (26 parti përbërëse);
- Koalicioni “Nisma Shqipëria Bëhet”, (3 parti përbërëse);
- Koalicioni “Djathtas për Zhvillim”, (2 parti përbëresë);
- 22 parti jashtë koalicioneve
Lista shumemërore
- Partia “Lëvizja Bashkë”
KSHZ në përgjigje të interesit të përfaqësuesve të medias, u shpreh se nëse procesi i miratimit të listave shumemërore ecën normalisht në kuptim të afateve të parashikuara, mes datës 8 Prill dhe 16 Prill synonohet të përfundojë dërgimi i fletës së votimit dhe dokumentacionit zgjedhor.
Deri në fund të javës që vjen pritet të përfundojë procedura e përzgjedhjes së operatorit të shërbimit postar. Dërgimi i fletës së votimit tek votuesit nga jashtë do të jetë me shërbim ekspres dhe i gjurmueshëm.
