KSHZ shqyrton administrativisht 8 denoncimet për veprimtaritë publike të institucioneve

07/03/2025 | Lajme

Komisioneri Shtetëror i Zgjedhjeve në seancën e sotme publike shqyrtoi administrativisht denoncimet e depozituara nga organizata “Qëndresa Qytetare”, Instituti i Studimeve Politike, të Koalicionit për Reforma, Integrim dhe Institucione të Konsoliduara dhe Partisë Demokratike.

Do të vijojë hetimi administrativ për denoncimin me nr. 47, ndaj Kryetarit të Kuvendit, Kryetarit të Bashkisë Peqin, Belsh, Elbasan, Vlorë, Himarë për shkak se Kuvendi i Shqipërisë do duhet të vendosë në dispozicion të KQZ-së autorizimet për të cilat janë bërë transfertat në Buxhetin e Shtetit.

Gjithashtu, do të vijojë hetimi administrativ për denoncimin me nr. 12, ndaj Kryetarit të Kuvendit dhe Sekretarit të Përgjithshëm të Këshillit të Ministrave pasi Kuvendi do të njihet me provat shtesë të depozituara nga organizata “Qendresa Qytetare”

Ndërkohë, në seancën e radhës do të shpallet vendimi për denoncimet:

Nr. 49, ndaj Kryeministrit;
Nr. 55, ndaj Kryeministrit dhe Sekretarit të Përgjithshëm të Këshillit të Ministrave;
Nr. 22, ndaj Kryetarit të Bashkisë Lezhë;
Nr. 23, ndaj Kryeministrit;
Nr. 28, ndaj Kryetarit të Bashkisë Himarë;
Nr. 24, ndaj Drejtorit të Përgjithshëm të Administratës së Kopshteve dhe Çerdheve, të Bashkisë Tiranë.