Kujdes, lexoni me vëmendje!

1. Në PER duhet të ngarkoni një dokument (dokumenti provues i adresës), i cili përmban adresën e vendqëndrimit tuaj në shtetin përkatës.
2. Dokumenti i adresës duhet të jetë në emrin tuaj, ose ta përmbajë atë.
3. Adresa që përmban dokumenti i adresës duhet të jetë e njëjtë me atë që ju deklaroni në PER.
4. Sigurohuni që pamja e dokumentit të adresës që ngarkoni në PER të shfaqi adresën, si dhe emrin tuaj.
5. Nëse dokumenti i adresës përmban disa faqe, apo anë, sigurohuni që të ngarkoni faqen, apo anën e dokumentit e cila përmban adresën dhe emrin tuaj. P.sh: Disa zgjedhësve me vendqëndrim në Itali ju është refuzuar kërkesa pasi kanë ngarkuar anën e gabuar të kartës së identitetit të lëshuar nga shteti italian, e cila është ana që përmban fotografinë. Ndërkohë duhej ta ngarkonin këtë dokument nga ana që përmban adresën.
6. Nëse dokumenti i adresës është në emrin e një familjari tuaj, atëherë ju duhet:
   1. të ngarkoni dokumentin e adresës i cili është në emër të familjarit tuaj dhe
   2. të ngarkoni certifikatën familjare, ose një deklaratë të familjarit në emër të të cilit është dokumenti i adresës.
7. Nëse dokumenti i adresës është në emrin e një personi tjetër me të cilin ju ndani të njëjtën banesë, atëherë ju duhet të ngarkoni:
   1. dokumentin e adresës që është në emër të personit me të cilin ndani banesën:
   2. një deklaratë të personit që zotëron dokumentin e adresës, sipas të cilës ai deklaron se ju banoni në të njëjtën adresë.
8. Letërnjoftimi apo pasaporta shqiptare nuk mund të shërbejë si dokument provues i adresës të vendqendrimit tuaj në shtetin përkatës!

Nëse keni nevojë të komunikoni direkt me KQZ, atëherë zgjidhni një nga kanalet tona të ndihmës:

• Linjën e telefonit me pagesë: +35544500535

• Rezervoni telefonatë: https://arkiva.kqz.gov.al/rezervo2/