Pjesëmarrja aktive e grave në politikë ishte në fokusin e takimit të zhvilluar në Vlorë nga Komisioni Qendror i Zgjedhjeve, në bashkëpunim me UN Women. Ky takim synoi të ofrojë mbështetje dhe informacion të nevojshëm për të rritur përfshirjen dhe fuqizimin e grave në jetën politike, duke adresuar si mundësitë ashtu edhe sfidat e këtij angazhimi. 

 Gjatë diskutimeve, u trajtuan tema kyçe si: 

• Rëndësia e pjesëmarrjes aktive të grave në politikë dhe ndikimi i tyre në vendimmarrje. 
• Aksesi i grave në financat e partive politike, një faktor thelbësor për një garë të barabartë. 
• Rregullat e zhvillimit të fushatës, për një proces të drejtë dhe transparent. 
• Roli i mediave online dhe sfida e keqinformimit, si një faktor ndikues në perceptimin e grave në politikë. 
•  Mekanizmat për parandalimin e gjuhës së urrejtjes, për një debat politik të ndershëm dhe gjithëpërfshirës. 

Barazia gjinore në politikë është një hap drejt një shoqërie më demokratike dhe të drejtë! 

KQZ do të vijojë përpjekjet për të mbështetur pjesëmarrjen e grave dhe vajzave në zgjedhje dhe në politikë, duke garantuar një mjedis zgjedhor më gjithëpërfshirës dhe të barabartë.